اخبار اليوم الصحيفة, تامر حسني يكشف اخبار اليوم الصحيفة, تامر حسني يكشف
كتب الفنان تامر حسني على حسابه الخاص بـ”فيسبوك” منشوراً وجه من خلاله رسالة دعم وتشجيع للمحبطين من جمهوره معطياً لهم بعض النصائح لتنفعهم في حياتهم لكي يصلوا الى طريق النجاح، مشيرًا الى انه قرا العديد من التعليقات السلبية على حساباته الرسمية المختلفة، طالباً منهم ان يراجعوا مسيرته الفنية ليعرفوا كم قاسى في الحياة ليصل الى ما هو فيه.
وقال تامر في منشوره: “قرأت معظم التعليقات على قد ما قدرت على اخر بوست ليا اللي تحت ده، وفهمت اكتر حاجتين من تعليقاتهم عاملين احباط لمعظمكم، اولًا اليأس من النجاح وثانيًا احباط المقربين”.
وتابع: “وبعضكم واصل لفقدان الامل والشغف وبعضكم فاقد الامل في الحياة نفسها، هطلب طلب منكم قبل اي شيء افتكروا معاناتي في بدايتي وظروفي الصعبة من غير اب ومن غير اي فلوس وبنزل اشتغل في الشوارع من عامل بنزينه لسوبر ماركت لفاعل، يعني اللي بيبنوا العمارات بطلع طوب واسمنت، عشان ارجع بيتي لامي الغلبانة بأي خمسة جنيه، بالإضافة لمرتب النادي لما كنت بلعب كورة، وكان مرتبي 22 جنيه في الشهر منهم بقى تحويشة المياه والكهرباء وعمليات اخويا، عشان كان عيان لفترة كبيرة، كنت بعمل المستحيل فعلًا عشان امي واخويا وعشان اوصل لهدفي”.
واستكمل: “كان جوايا سعي دائم لطريقين الكورة والغناء، وبقول ده عشان ناس كتير عايز انصحها بالخطة البديلة، عشان لو الحلم مجاش يكون في غيره زي ما انا كان نفسي ابقى لاعب كورة، والكورة مش ليا، والاندية كلها مشوني، رغم تفوقي كنت بسأل نفسي ليه الابواب كلها بتتقفل في وشي اتاريها بتتقفل عشان توجهني لمسار اخر، ولما آمنت بكده فهمت قدام ان ربنا كان شايلي الاحسن ليا بس ساعتها مكنتش فاهم”.
واضاف: “واللي بيسأل نفسه دلوقتي يعني انا اكمل في حلمي ولا اشوف حلم تاني، هقول له دايمًا اطلب من ربنا يساعدك هتلاقي علامات بتجيلك بس الشاطر اللي يفهمها، علامات هتأكد لك تكمل او لا بس اجتهد واتعب عشان المجهود ده لي كرم متحوشلك في مجالك التاني فـ اوعى تقول تعبت على الفاضي”.
واختتم حديثه: “بالنسبة للمحبطين هيفضلوا موجودين انت اللي بتسمعلهم وانت اللي بتسمح انك تتأثر بيهم امنع ده فورًا، متبقاش السبب في اذية نفسك متتشدش غير لكل جميل ولكل ايجابي هتلاقي كل الحلو بيجيلك ومتعملش العكس عشان هيجيلك برضو، عشان كده بقولك انت السبب دايمًا قول يارب واجتهد وافهم ان الراحة المطلقة في الجنة بس، واحنا على الارض، وربنا قال انه خلقنا في كبد يعني شقاء عشان يكون عندنا تحدي نكسبه ولازم نكسبه، عشان كتير قبلينا كانت ظروفهم اصعب ووصلوا يبقى الموضوع فينا، متبقاش اكبر عدو لنفسك، انت السبب، خد قرار صارم فورًا في التغير والنهوض والنجاح، والله هتوصل متسمعش غير لقلبك وسلم قلبك للّي خلقه وتوكل على الله”.
*راي اليومتامر حسني يكشف سراً عن حياته قبل الشهرة