اخبار اليوم الصحيفة, محمد صبحي: عرضوا اخبار اليوم الصحيفة, محمد صبحي: عرضوا
افاد الفنان المصري محمد صبحي، بانه تلقى اربع عروض للاشراف على وزارة الثقافة، مؤكدا انه رفضها كلها.
وبكى محمد صبحي خلال مداخلة هاتفية ببرنامج “حضرة المواطن” على قناة “الحدث اليوم”: قائلا: “انا حزين ولا اتسول وبشتغل لوحدي حاسس اني مسجون في زنزانة انفرادي”.
واضاف “انا ليست لي مشكلة ولا عايز امثل ولا عايز اشتغل، انا شغال في حتة لوحدي وعلى جنب والناس هي اللى بتيجي، ولكن انا اسف بدافع عن ريادة بلدي ووطني ومش المفترض افهم في كل حاجة، واتعرض على وزارة الثقافة 4 مرات وادنت الدولة في ترشيحي لاني لا اصلح وزيرا للثقافة، فيه غيري احسن مني كان ينفعوا”.
وتابع قائلا: “النهاردة وزيرة الثقافة شوف كام سنة واحنا مشوفنهاش ولا طلبت الفنانين تقعد معاهم ولا تخاطبهم علشان تعرف ايه مشاكلهم، احنا خلاص بنعمل دليفري وبنفذ غصب عننا ما يريد اعدائنا ان احنا نغيب ونعمل اعمال تافهة، هل من مصلحة عدونا اننا نعمل تعليم عظيم؟ هل من مصلحة عدونا اننا نعمل فن راق يسمو بالوجدان؟ هل عدونا يتمنى لنا النجاح؟ ايه اللى بنعمله ده؟”.
واردف بالقول: “انا حزين علي حال بلدي، انا لا اتسول انا بشتغل واكسب وبقول قدام الدولة، ومسرحي بقاله 7 سنين في الصحراء بس الجمهور اللي من حزب الكنبة اللى مبينزلوش الا للفن الراقي اللي بيخاطب العقول ومبينزلوش الشارع خوفا علي بلدهم، انا بشتغل لوحدي وحاسس اني في سجن كبير بس مظلوم لاني مسجون في زنزانة انفرادي”.
ووجه الفنان المصري رسالة للمسؤولين “يا اخواننا عيب احنا مش صغيرين احنا تعبنا واتعلمنا من اللى احسن مننا واتربينا علي ايد اللى احسن مننا، فيه مشكلة بطالب ان يكون هناك وزيرا للثقافة وللاعلام يحملون خريطة حقيقية وهدف حقيقي عايزين يحققوه”.
واكد محمد صبحي ان الفنان المحترم الملتزم اصبح من الصعب رؤيته في الوسط الفني حاليا والكاميرا الان تذهب للتفاهات علشان يبقى تريند والكاميرا مبتروحش للممثل الجيد”.محمد صبحي: عرضوا علي وزارة الثقافة اربع مرات واحس اني سجين بزنزانة انفرادية